Një aksident i rëndë ka ndodhur mesditën e kësaj së hëne në aksin rrugor “Shkodër-Bushat” në zonën e Beltojës.
Në aksident është përfshirë një kamion i cili është përplasur me një autoveturë.
Si pasojë e përplasjes një person ka ndërruar jetë, ndërsa dy të tjerë ndodhen nën kujdesin e mjekëve në Spitalin e Shkodrës.
Gjendja e tyre shëndetësore paraqitet e rëndë.
Në vendngjarje shkuan forcat e policisë dhe kanë nisur hetimet për shkaqet e këtij aksidenti rrugor.
