Një aksident i rëndë automobilistik është regjistruar pasditen e kësaj të diele në aksin rrugor kombëtar “Librazhd-Qukës”.
Nga informacionet paraprake mësohet se tre automjete janë përplasur me njëra-tjetrën.
Ngjarja ka ndodhur rreth orës 17:05 në vendin e quajtur “lokali i Zenelit” në Qukës.
Mësohet se si pasojë e aksidentit kanë mbetur të plagosur tre persona, ku njëri prej tyre ndodhet në gjendje të rëndë shëndetësore.
Raportohet se është thirrur shërbimi zjarrfikës i bashkisë Përrenjas, të cilët kanë ndihmuar në nxjerrjen e të plagosurve dhe në largimin e mjeteve nga rruga.
Ende nuk dihen shkaqet e aksidentit, teksa Policia ndodhet në vendin e ngjarjes.
