Prokuroria e Gjirokastres dhe oficere te Komisariatit te Policise Gjirokaster, kane nisur mengjesin e sotem te hulumtojne rastin e vetvarjes se, I. M., 17-vjeçares, nxeneses se Gjimnazit “Siri Shapllo” ne qytetin e Gjirokastres.
Nisur nga indiciet qe kane patur si baze publikimin ne rrjetet sociale te disa mesazheve te shkembyera mes disa nga shoket e saj te klases, sot Prokuroria e Gjirokastres se bashku me oficere te Komisariatit te Policise Gjirokaster, kane nisur hetimet konkrete me kete rast, duke marre fillimisht ne pyetje prinderit e vajzes se ndjere.
Mesohet nga burime te OPGJ se prinderit kane deklaruar se kishin vene re tek vajza gjendje te renduar emocionale dhe e mbyllur ne vetvete ditet e fundit, por qe nga natyra qe kishte ajo, ata nuk u perqendruan.
Nderkaq sot OPGJ pritet te marre ne pyetje shoket e klases se 17 vjeçares per te zbardhur sadopak arsyen qe e nxiten te vetvarej.
Dyshohet se nje mesuese qe jep anglisht ne kete gjimnaz, ka qene shkaku i arsyes qe 17 vjeçarja t’i jepte fund jetes, pasi ajo kishte shfaqur veprime bullizuese ndaj nxeneses.
