Aksident në kantierin e ndërtimit të Aeroportit të Vlorës, ku një kamion ka përplasur një trakler, duke shkaktuar vdekjen e drejtuesit të këtij të fundit.
Policia ka arrestuar drejtuesin e kamionit, Rr. S., 63 vjeç, banues në Prishtinë, pasi dyshohet se ai ka humbur kontrollin mbi fadromën që drejtonte dhe ka përplasur trajlerin.
Si pasojë e aksidentit, viktimë ka mbetur N. Xh., 60 vjeç, banues në Dibër. Policia ka nisur hetimet për zbardhjen e plotë të ngjarjes.
“Specialistët për Hetimin e Krimeve në Komisariatin e Policisë Vlorë arrestuan shtetasin Rr. S., 63 vjeç, banues në Prishtinë, Kosovë, pasi dyshohet se më datë 17.01.2025, rreth orës 21:20, në kantierin e ndërtimit të Aeroportit të Vlorës, duke drejtuar një fadromë, ka humbur kontrollin mbi drejtimin e saj dhe ka përplasur një trajler. Si pasojë, drejtuesi i trajlerit, shtetasi N. Xh., 60 vjeç, banues në Dibër, ka humbur jetën”, njoftoi policia.