Vjedhjet e njëpasnjëshme në objektin e një pularie në Fier, kanë qenë një problem i shpeshtë për pronarin Agim Driza.
Në një prononcim per mediat ditën e sotme, ai ka denoncuar vjedhjen e kabllit në një kolonë rrufepritëse, e cila ishte ngritur pasi rrufeja dogji të gjitha pajisjet kompjuterike.
Kablli është vjedhur nga një prej punëtorëve të firmës.
“Nuk e mendoja kurrë se hajduti ishte mes nesh” tha Driza, teksa është shprehur i habitur kur kamerat e sigurisë kanë vertetuar një fakt të tillë.
“Kam njoftuar menjeherë policinë, por punëtori është mbajtur vetëm pak orë brenda ambienteve të komisariatit”, tha Driza.
Kjo nuk është hera e parë që ai bie pre e vjedhjes.
Pesë vite më parë, një nga punëtorët, i ka vjedhur 17 milionë lekë, rroga të stafit.
