Një aksident i rëndë ka ndodhur mbrëmjen e sotme në zonën “5 Maji” në Tiranë.
Mësohet se një automjet tip VolksWagen Golf 5 ka humbur kontrollin dhe fillimisht është përplasur me një karrotrec të parkuar anash rrugës.
Si pasojë e përplasjes kanë mbetur të plagosur katër të rinj të cilët ndodheshin në makinë.
Ata janë transportuar në spital, ndërkohë nuk dihet gjendja e tyre shëndetësore.
Policia ndodhet në vendin e ngjarjes dhe po punon për zbardhjen e plotë të aksidentit.
