Ish-ministrja e Bujqësisë Frida Krifca, duket se është angazhuar sërish me një detyrë të rëndësishme, pasi u largua nga posti që e mbajti për disa vite.
Ish-ministrja tashmë është sistemuar me një zyrë të ngjashme, me ato që kanë këshilltarët e kryeministrit në katin e tretë të kryeministrisë.
Vitet e fundit ajo shërbeu fillimisht si drejtoreshë e AZHBR dhe ministre e bujqësisë, pozicion të cilin e la pasi në media u publikua skandali i shpërdorimit të fondeve të BE për bujqësinë.
Për këtë të fundit, Frida Krifca po hetohet nga OLAF, zyra e posaçme e BE për korrupsionin dhe njëkohësisht çështja e saj është në dosjet aktuale të prokurorëve të SPAK.
