Tepelenë/Vijon megaoperacioni policor i koduar “Tempulli”, për goditjen e veprimtarisë kriminale të shitjes së lëndëve narkotike, në afërsi të shkollave.
Shiste doza të lëndës narkotike cannabis sativa, në afërsi të shkollave të qytetit, procedohet penalisht 18-vjeçari.
Sekuestrohen dozat e lëndës narkotike dhe celulari i 18-vjeçarit.
Në vijim të kontrolleve të pandërprera në të gjithë territorin e qarkut, me fokus mjediset e frekuentuara nga të rinjtë, kontrolle të kryera në kuadër të megaoperacionit “Tempulli”, specialistët e Seksionit për Hetimin e Narkotikëve të DVP Gjirokastër, në bashkëpunim me shërbimet e Komisariatit të Policisë Tepelenë, konstatuan dhe goditën një tjetër rast të shitjes së lëndëve narkotike, në afërsi të shkollave.
Për këtë rast u referuan materialet në Prokurori ku nisi procedimi në gjendje të lirë për shtetasin F. D., 18 vjeç, banues në Tepelenë.
Nga kontrolli fizik, 18-vjeçarit iu gjet dhe iu sekuestrua një sasi lënde narkotike cannabis sativa, e ndarë në disa doza, me qëllim shitjen në afërsi të shkollave të qytetit të Tepelenës. Dozat u sekuestruan nga Policia, në cilësinë e provës materiale, së bashku me celularin e këtij shtetasi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
