Pesë persona, të cilët në bashkëpunim me njëri-tjetrin shpërndanin lëndë narkotike në sasi të madha, janë vënë në pranga nga Policia e Tiranës.
Të arrestuarit janë Donald Muhamuçi, Ermal Lamaj, të dy banues në kryeqytet, si dhe Kostaq Murtaj, Olsi Mylka dhe Shemsi Proda banues në Sarandë.
Gjatë operacionit u sekuestruan 2.3 kilograme kokainë, 3 automjete dhe katër telefona celularë.
Sipas hetimeve, të rinjtë pasi siguronin sasinë e kokainës e shisnin rreth 30 mijë euro kilogramin, në vende të ndryshme në Tiranë.
