Efektivi i Komisariati të Policisë Nr. 4, Tiranë, tashmë i pezulluar nga detyra, Dilaver Velo, babai i Alban Velos i arrestuar për vrasjen e Edmond Papës më 16 dhjetor 2022 do hetohet nga Prokuroria e Tiranës.
Institucioni i akuzës do kryejë verifikime për efektivin e komisariatit nr.4 nëse ka pasur dijeni për aktivitetin e të birit apo jo, dhe nëse i ka lehtësuar kushtet për tu larguar nga vendi pas vrasjes.
Gjithashtu, sipas OraNews, akuza do kryejë hetim të thelluar edhe për burimin e të ardhurave të familjes Velo, ku Albano, i dyshuar si organizatori i Papës, shihet në rrjete sociale, duke publikuar foto me shuma të majme parash.
30-vjeçari tashmë i akuzuar për vrasje me paramendim, ka mohuar akuzat përpara grupit hetimor. Si alibi, për mohimin e akuzave të prokurorisë se ka mbajtur në vëzhgim Papën, i riu ka deklaruar se ai kishte ardhur në vendin tonë dy ditë përpara atentatit, pasi ka qenë në Itali.
Referuar sistemit TIMS Albano Velo ka dalë nga territori në datë 10 dhjetor, ku ka shkuar në Firence.
Në vendin fqinj ai ka ndenjur vetëm 4 ditë, pasi më datë 14 dhjetor ka hyrë në Shqipëri, nga aeroporti i Rinasit.
Por, përveç kamerave të sigurisë që rrëzojmë alibine e të riut, një tjetër provë e fortë e prokurorisë janë edhe qelizat telefonike. Nga analizimi i tyre rezulton se prej orës 14:00 e deri në orën 16:35, kur edhe ndodhi ngjarja, i riu ka qenë në zonën e Selitës.
Albano Velo u arretsua më 6 janar 2023 në Tiranë si bashkëpuntor në vrasjen e biznesmenit Edomnd Papa.
