Një sfidë me plot emocione, ky favorite në letër është ekipi i Skalonit. Por Kroacia mund të bëjë surprizën e radhës pasi eliminoi Brazilin në fazën çerekfinale.
Argjentina e Mesit duket se nuk do të heqë dorë lehtë dhe këtë e vërtetoi më së mirë në ndeshjen kundër Holandës.
Statistikat e sfidës
– Gjysmëfinalja mes Kroacisë dhe Argjentinës përbën përballjen e gjashtë mes këtyre skuadrave. Bilanci deri më tani është në balancë totale falë një barazimi e dy fitoreve për kokë.
– Argjentinë dhe Kroaci nuk është një përballje që prodhon gola. Latinët kryesojnë bilancin 7 me 5. Tre golat e fundit kroatë janë shënuar në përballjen e grupit të Botërorit 2018-të kur fituan 3-0 ndaj formacionit që asokohe drejtohej nga Horge Sampaoli.
– Vetëm dy nga pesë precedentë mes Kroacisë dhe Argjentinës janë luajtur nëpër Kupa Bote. Argjentinasit kanë fituar përballjen e parë boterore (Francë 1998) ndërsa ballkanasit të fundit (Rusi 2018).
– Kroacia ka humbur katër nga gjashtë përballjet e fundit me ekipe amerikano-latine nëpër Botërorë. Një në secilin Botëror mes 1998-ës dhe 2014-ës.
– Argjentina është eliminuar nga tre nga pesë çerekfinalet e luajtura në Botëroret e fundit. Herën e fundit që fitoi (në 2014- ën kundër Belgjikës) shkoi në finale.
– Që nga humbja e finales në 1930, të nënta eliminimet e Argjentinës në fazën me eliminim direkt të një Botërori kanë ardhur nga skuadra me kombësi europiane.
Ja formacionet zyrtare:
Argjentina: Martínez; Molina, Romero, Otamendi, Tagliafico; De Paul, Paredes, Enzo Fernández, Mac Allister; Messi, Julián Álvarez.
Kroacia: Livakovic; Juranovic, Lovren, Gvardiol, Sosa; Modric, Brozovic, Kovacic; Pasalic, Kramaric, Perisic.
