Makina e një 40-vjeçari shqiptar në Patisia ka rënë pre e një sulmi zjarrvënës. Ngjarjet në fjalë ndodhën brenda një harku kohor prej 25 orësh, shkruajnë mediat greke.
Në datën 12 gusht, në orën 01:40 të datës 12 gusht, persona të panjohur i janë afruar makinës dhe i kanë vënë flakën, duke i shkaktuar dëme në pjesën e përparme të veturës. Policia gjeti në vendngjarje shishe butani dhe mbetje plastike. Rasti i dytë u regjistrua në orën 03:05 të mëngjesit të datës 13 gusht, persona të panjohur i janë afruar makinës së personit me inicialet N.E., dhe i kanë vënë flakën mjetit që ndodhej i parkuar në rrugën Yrkanias duke u shkatërruar plotësisht.
Në vendngjarje kanë shkuar punonjës të repartit të neutralizimit të mjeteve ndezëse ku kanë gjetur dy shishe butani të dëmtuara dhe mbetjet e një ene plastike.
Oficerët e sigurimit të Patisias, po hetojnë për “llogaritë” e hapura të konflikteve që mund të ketë 40-vjeçari me autorët.
