Biznesmeni i njohur, Samir Mane, është paraqitur këtë të mërkurë në Prokurorinë e Posaçme, në kuadër të hetimeve që lidhen me dosjen “Balluku” dhe më konkretisht me vilën luksoze në kompleksin “Green Coast” në Palasë.
Mane ka mbërritur në ambientet e SPAK rreth orës 18:00.
Burime bëjnë me dije se prania e Manes lidhet me verifikimet që SPAK po kryen për vilën nr. 188/1 në Palasë, pronë e sekuestruar nga Prokuroria e Posaçme dhe për të cilën hetuesit dyshojnë se zotërohej faktikisht nga ish-zëvendëskryeministrja Belinda Balluku.
