Një i moshuar është gjetur i pajetë mëngjesin e ditës së sotme.
Blutë bëjnë me dije se ngjarja a u raportua rreth orë 10:00 të mëngjesit, pasi i moshuari u gjet i pajetë dhe i gjakosur në rrugë pranë Markatës së Elbasanit.
Sipas të dhënave fillestare dyshohet se i moshuari është rrëzuar teksa lëvizte me biçikletë.
Sipas të dhënave paraprake, dyshohet se i moshuari ka qenë duke lëvizur me biçikletë kur, për shkaqe që ende nuk janë të qarta, ka humbur ekuilibrin dhe është rrëzuar në tokë.
Një nga pistat paraprake është që rrëzimi të jetë shkaktuar nga një problem shëndetësor i papritur, ndërsa nuk përjashtohet edhe mundësia e një luhatjeje të tensionit apo e një infarkti, që mund t’i ketë shkaktuar humbjen e kontrollit mbi biçikletën.
Pas rrëzimit, i moshuari ka pësuar dëmtime dhe, pavarësisht ndërhyrjes, ka humbur jetën.
Në vendngjarje kanë mbërritur shërbimet përkatëse, ndërsa kanë nisur verifikimet për të zbardhur rrethanat e plota të ngjarjes.
Shkaqet e sakta të vdekjes pritet të përcaktohen pas ekspertizës mjeko-ligjore, ndërsa grupi hetimor po punon për dokumentimin e plotë të ngjarjes.
Deri në këtë fazë, bëhet fjalë vetëm për dyshime paraprake, ndërsa rrethanat e sakta se çfarë i ka ndodhur të moshuarit mbeten për t’u sqaruar nga autoritetet.
