Një shqiptar është arrestuar nga policia britanike në kuadër të një aksioni të skuadrës së vigjilentëve kundër pedofilëve.
Gazment Asllani është kapur në flagrancë nga policia pasi ra në grackën e agjentëve që shtireshin si minorenë nëpër faqet online të përdorura nga pedofilët.
Asllani mendonte se ishte duke folur me një 13 vjeçare, por në fakt personi pas kompjuterit ishte një prej anëtarëve të skuadrës së vigjilentëve kundra pedofilëve.
I gjithë momenti i përballjes së tij me agjentët është regjistruar me pamje filmike ndërsa emigranti shqiptar dëgjohet teksa thotë: “Ju lutem më falni, kam paguar shumë para për të mbërritur këtu. Do të më përzënë përgjithmonë”.
Asllani më pas është arrestuar nga policia, e cila po heton të gjitha materialet e mbledhura kundër tij, nga skuadra lokale e vigjilentëve kundër pedofilëve.
