Kryeministri Edi Rama ka reaguar në lidhje me temën aktuale të rritjes së çmimeve, duke specifikuar në përgjigjen e tij, çështjen e energjisë.
Sipas tij, pavarësisht rritjes së çmimit të energjisë në treg, familjarët dhe biznesi i vogël nuk e kanë ndjerë ndryshimin, për shkak të politikave që ka ndjekur qeveria.
Rama kërkon t’i bindë qytetarët duke pritur prej tyre që të shohin dhe realitetin e vendeve fqinje, si dhe sugjeron që të qëndrojnë kurajoz e me dinjitet në këtë periudhë të vështirë që po kalon bota.
“E mirëkuptoj tërësisht stresin e madh të kësaj kohe, prandaj u them të gjithë atyre që pa dëgjuar e as lexuar reagojnë mbrapsht:
QEVERIA KA VENDOSUR MBUROJË FINANCIARE MBI FATURËN E ENERGJISË PËR FAMILJARËT DHE BIZNESIN E VOGËL dhe prej disa muajsh kostoja rritet si pasojë e krizës, çmimi në faturë jo!
LUFTA PO i NGRE ZGUPTHI ÇMIMET! Sot energjia na kushton 61 lek për kilovat, FAMILJET VAZHDOJNË TË PAGUAJNË 9.5 Lek! Pyesni, shikoni çfarë bëhet në vendet fqinje dhe mos duartrokisni, po vetëm kuptoni se nuk jetojmë në një kohë normale, e cila kërkon kurajo dhe dinjitet”, shkruan Rama në rrjetet sociale.
