Një ngjarje tragjike është regjistruar një natë më parë, ku një i ri vetëm 20-të vjeç ka humbur jetën, teksa e ka zënë poshtë zetori me të cilin po punonte tokën.
I riu me iniciale D.H, rezulton banues në fshatin Çengelaj, Peqin.
Burime zyrtare nga policia bëjnë me dije se viktima në një moment ka humbur kontrollin e mjetit dhe pasi ky i fundit është përmbysur e ka zënë atë poshtë, duke i shkaktuar vdekjen e menjëhershme në vendngjarje.
Grupi hetimor vijon punën për zbardhjen e rrethanave të kësaj ngjarjeje, ndërsa në pyetje janë marrë familjarë dhe të afërm të viktimës.
Deri më tani nuk ka të dhëna nëse 20-të vjeçari posedonte apo jo leje drejtimi dhe nëse më herët e kishte pluguar tokën me mjetin bujqësor.