Horoskopi sot, 18 maj

Horoskopi per diten e sotme.

Dashi

Nuk do ndiheni shumë mirë shpirtërisht gjatë kësaj dite dhe nuk do merrni as guximin t’i ndryshoni gjërat. Motivimi do ju mungojë plotësisht. Për ju të dashuruarit do jetë një ditë rutinë. Në disa momente mundet edhe të mërziteni, por nuk duhet kurrsesi të hidhni hapa të nxituara. Ju beqarët do keni një ditë harmonike dhe të mbushur me njohje të reja. Duhet ta shfrytëzoni në maksimum gjithsecilën. Në punë sado që do ju mbështesin dhe do ju nxitin të veproni do e keni shumë të vështirë. Mërzitja do ju pushtojë dhe nuk do keni dëshirë për asgjë. Në planin financiar do jeni më të organizuar dhe gjendja do vijë duke u përmirësuar.

Demi

Nëse doni qetësinë në jetën tuaj sot bëni shumë kujdes me çdo hap që do hidhni. Mos u nxitoni dhe mos merrni vendime të pabazuara. Nëse jeni në një lidhje ka rrezik që të mendoni për disa aventura me persona të tjerë dhe kjo mund te sjellë probleme serioze për jetën në çift. Nëse jeni beqarë duhet të joshni pafund sepse sot çdo gjë do jetë e lejuar për të arritur qëllimin. Në punë do jeni më të ndërgjegjshëm dhe do ua vini veshin edhe këshillave që do iu japin disa kolegë. Në përgjithësi do jetë ditë e mirë. Në planin financiar do dini të bëni ekonomi. Do i llogaritni me kujdes shpenzimet që keni për të kryer dhe do mund të hiqni edhe disa para mënjanë.

Binjakët

Gjatë kësaj dite do flisni shpejt dhe fuqishëm kështu që do tërhiqni vëmendjen e të gjithëve. Do dini edhe si të imponoheni lehtësisht. Ju të dashuruarit do kaloni momente mjaft euforike. Do jeni në një mendje me partnerin dhe kënaqësitë do jenë të paimagjinueshme. Ju beqarët do keni mundësi për aventura të njëpasnjëshme, por do jetë në dorën tuaj nëse do doni të përfitoni apo jo. Në punë ka rrezik që në mëngjes situata të jetë paksa e trazuar, por me kalimin e orëve çdo gjë do mund të qartësohet. Sektori i financave do jetë disi i mjegullt. Tregohuni të kursyer me shpenzimet.

Gaforrja

Pas gjithë përpjekjeve që keni bërë së fundmi për të kthyer ekuilibrin, më në fund do ja dilni mbanë. Për ju të dashuruarit më në fund do rikthehet qetësia që keni pritur. Do ndiheni mirë dhe do mund të flisni hapur për çdo gjë me partnerin. Ju beqarët do jeni gati të bëni çdo gjë vetëm që të mos mbeteni më me të njëjtin status. Planetët, por edhe miqtë e ngushtë do iu ndihmojnë mjaft. Në punë dëgjojini këshillat e kolegëve dhe mos veproni sipas mendjes tuaj. Buxhetin duhet ta keni më tepër kujdes. Kryeni njëherë shpenzimet e nevojshme dhe më pas nëse ju mbeten para bëni ndonjë investim.

Luani

Nëse nuk merrni në dorë frenat e jetës gjërat kanë për të ecur shumë keq për ju. Planetët do i keni të gjithë kundër. Për ju të dashuruarit do jetë ditë mjaft e tensionuar kjo e sotmja. Do e ngrini zërin më shumë sesa duhet dhe situata do ju marrë tatëpjetën. Ju beqarëve nuk do ju krijohen mundësi për lidhje serioze, por nuk do mungojnë rastet për të filluar aventura kalimtare. Jeta profesionale do kalojë peripeci. Nëse nuk tregoheni të logjikshëm dhe nuk mendoni për të ardhmen do keni vetëm humbje. Financat do vazhdojnë të mbeten njësoj. Mundohuni që çdo shpenzim ta kryeni të mirëmenduar në mënyrë që mos keni probleme.

Virgjëresha

Në shumë momente do gjendeni në situata të sikletshme gjatë kësaj dite. Do keni rivalitet të fortë dhe mund të futeni edhe në konflikte. Ju të dashuruarit do keni më shumë nevojë se kurrë për qetësi dhe dashuri. Partneri do ju mbajë në pëllëmbe të dorës dhe do ju bëjë të ndiheni më së miri. Nëse jeni beqarë keni për të pasur një ditë fantastike. Mund të takoni persona të shenjës suaj me të cilët do dashuroheni kokë e këmbë. Në punë do jeni më të përgjegjshëm, por disa kolegë nuk do ju lenë rehat dhe do ju stresojnë gjatë gjithë kohës. Buxheti do varet nga mënyra sesi ju do i menaxhoni të ardhurat. Po nuk treguat kujdes do keni probleme edhe në vazhdimësi.

Peshorja

Gjatë kësaj dite do gjendeni para disa dilemave të vështira, por që nëse reflektoni dhe tregoheni të kujdesshëm do mund t’i zgjidhni. Për ju që keni një lidhje Venusi do ndikojë shumë pozitivisht. Ai do ju ndihmojë t’i zgjidhni edhe disa probleme të vogla të së shkuarës dhe do ndiheni më të qetë. Ju beqarët do realizoni mjaft takime, por ka pak gjasa që ato të shndërrohen në diçka më tepër. Në punë do bëni mirë të veproni me gjakftohtësi dhe të mos mbani inate të vjetra me kolegët. Po të jeni të qetë keni për të arritur shumë më lart. Në planin financiar nuk do keni asnjë lloj problemi, kështu që mos u shqetësoni.

Akrepi

Çdo gjë do varet nga sjellja juaj sot. Po nuk u treguat të kujdesshëm keni për t’u futur në probleme shumë serioze. Nëse jeni në një lidhje duhet të bëni shumë kujdes me xhelozinë sepse situata mund t’iu dalë menjëherë jashtë kontrollit. Duhet të keni më tepër besim tek ai që keni në krah. Ju beqarët do jeni me fat në dashuri dhe do filloni një lidhje serioze ashtu si nuk e kishit imagjinuar ndonjëherë. Në punë mos kërkoni një post të ri pa e merituar sepse do bëni shumë armiq dhe e ardhmja ka për të qenë shumë e vështirë. Tregohuni më largpamës. Me shpenzimet ka rrezik të jeni impulsivë dhe do bëni gabime të pafalshme.

Shigjetari

Me maturi, durim dhe largpamësi mund të arrini edhe gjërat më të vështira gjatë kësaj dite. Do jeni pozitivë dhe nuk do ndaleni asnjë moment. Për ju që keni një lidhje klima yjore nuk do jete mjaftueshëm e përshtatshme për një ambient të qetë. Shumë gjëra do ecin ndryshe nga sa mund ta kishit menduar dhe mund të ndiheni keq në disa momente. Ju beqarët, të ndikuar tej mase nga Hëna, do jeni sharmantë dhe joshës. Me siguri që do e gjeni personin e përshtatshëm. Në punë do ndryshoni aktivitet dhe do keni ide mjaft interesante. Do mbusheni me frymë dhe çështjet e nisura do iu japin goxha kënaqësi. Sektori i financave do stabilizohet tej mase kështu që mund të bëni edhe investime.

Bricjapi

Gjatë kësaj dite gjërat nuk kanë për t’iu ecur mirë. Mund të jeni kokëfortë dhe nuk do doni të bashkëpunoni me askënd. Nëse keni një lidhje ka mundësi të mbylleni në vetvete dhe nuk do ja shprehni aq sa duhet ndjenjat partnerit. Marrëdhënia mes jush do lërë për të dëshiruar. Ndryshoni sa pa pasur pasoja më të mëdha. Ju beqarët me shumë gjasë do takoni një person që do ju përshtatet në çdo pikë dhe do i bëjë t’iu rrahë zemra fort. Në punë do e keni të vështirë të ndërmerrni iniciativa dhe nuk do i arrini rezultatet e kërkuara. Bëni kujdes sepse e nesërmja do jetë akoma më e vështirë. Në planin financiar duhet të tregoheni sa më të matur që të mundeni pasi në të kundërt situata do ju dalë jashtë kontrollit.

Ujori

Yjet do ju motivojnë edhe më shumë gjatë kësaj dite dhe do ju nxitin të bëni projekte të reja. Do merrni frymë më lirisht dhe do jeni më të qetë. Ju të dashuruarit do jeni shumë të drejtpërdrejtë dhe do ja bëni partnerit edhe disa kritika që më parë nuk keni mundur dot. Nëse jeni beqarë do ndiheni gati për t’ia shprehur ndjenjat atij që keni kohë qe e pëlqeni dhe jeta shumë shpejt do ju ndryshojë. Në punë do merrni mbështetje nga të gjitha anët dhe çdo gjë për ju ka për të qenë më e lehtë. Do keni shumë ego dhe nuk do ndaleni asnjë çast. Buxhetin do dini si ta menaxhoni në çdo moment dhe gjendja ka për të mbetur e kënaqshme. Vazhdoni me këtë strategji.

Peshqit

Edhe pse nuk do ndodhë ndonjë gjë e jashtëzakonshme në tërësi dita e sotme ka për të qenë e kënaqshme dhe aspak problematike. Nëse keni një lidhje jeta juaj nuk do ketë asnjë lloj problemi. Do ruani një klimë të ngrohtë me partnerin dhe do bashkëpunoni për çdo gjë me njëri-tjetrin. Ju beqarët do mundoheni gjithë kohës, por nuk do arrini dot ta bëni për vete atë që pëlqeni. Në punë do keni ide shumë të mira dhe formimi i marrë së fundmi do ju ndihmojë pafundësisht. Mund të ndryshoni edhe orientim, por çdo gjë do ju ecë si duhet. Me financat duhet të merreni më shumë. Po i latë gjërat pas dore dhe po shpenzuat pa menduar për të ardhmen situata do ju dalë jashtë kontrollit.