Një aksident automobilistik është regjistruar pasditen e kësaj të shtune në aksin rrugor Morinë-Kukës, pranë pikës doganore.
Siç shihet edhe nga fotot, një automjetë është përplasur me barrierat mbrojtëse të autostradës dhe më pas është përmbysur në rrugë.
Si pasojë e aksidentit ka mbetur i plagosur drejtuesi i automjetit, i cili ka marrë lëndime në gjymtyrët e poshtëm. Ai është dërguar me urgjencë në spitalin e Kukësit.
Grupi hetimor po punon për zbardhjen e plotë të rrethanave të aksidentit.
