Avokati Pëllumb Isufi që i kërkoi favore seksuale klientes së tij është vënë nën hetim pas publikimit të skandalit në emisionin investigativ në tch.
Sipas policisë, seksioni për Hetimin e Krimeve Ekonomiko-Financiare referoi materialet në Prokurori, ku nisi procedimi në gjendje të lirë për 52-vjeçarin banues në Fier.
“Seksioni për Hetimin e Krimeve Ekonomiko-Financiare referoi materialet në Prokurori, ku nisi procedimi në gjendje të lirë për shtetasin P. I., 52 vjeç, banues në Fier, me detyrë avokat, pasi më datë 25.04.2024, është shfaqur në një video të transmetuar në emisionin investigativ “Fiks Fare”, duke i kërkuar favore seksuale një shtetaseje”, sipas njoftimit të policisë.
Fiks Fare denoncoi mbrëmjen e së enjtes avokatin i cili i kërkonte favore seksuale klientes së tij.
Madje, ai bashkëpunon edhe me ish-burrin e saj, me qëllim që të fshehë pasuritë dhe llogaritë bankare nga përpjesëtimi i pasurisë dhe detyrimi ushqimor.
