Policia shqiptare do të vendoset në Dover për të identifikuar dhe deportuar emigrantët e paligjshëm që vijnë nëpërmjet Kanalit.
Priti Patel, Sekretarja e Brendshme e Mbretërisë së Bashkuar ra dakord për një plan veprimi me ministrin e Brendshëm të Shqipërisë Bledi Çuçin, shkruan The Telegraph, pas një rritjeje të numrit të emigrantëve shqiptarë.
Oficerët e policisë shqiptare do të vendosen në Dover për të ndihmuar në identifikimin dhe dëbimin e emigrantëve të paligjshëm brenda disa ditësh, si pjesë e një goditjeje nga Priti Patel ndaj rritjes së të ardhurve nga shteti ballkanik.
Sekretarja e Brendshme ka rënë dakord për një plan veprimi me homologun e saj shqiptar për të përshpejtuar largimet pasi inteligjenca britanike sugjeron se shqiptarët tashmë përbëjnë rreth 40-60% të emigrantëve që kalojnë Kanalin e Doverit me gomone.
Oficerët e lartë të policisë nga shteti ballkanik pritet të vendosen në Dover dhe portet e tjera për të ndihmuar në identifikimin e shqiptarëve, për të hetuar prejardhjen e tyre duke përfshirë lidhjet kriminale dhe për të ndihmuar Forcat Kufitare të Mbretërisë së Bashkuar dhe zyrtarët e zbatimit të imigracionit në largimet e shpejta brenda disa ditësh.
Patel zhvilloi bisedime me Bledi Çuçin, ministrin e Brendshëm shqiptar të martën për të gjetur një zgjidhje se si mund të përshpejtonin deportimin e emigrantëve të paligjshëm shqiptarë sipas një marrëveshjeje kthimi që ajo nënshkroi me shtetin ballkanik vitin e kaluar.
Pretendohet se deri në 6,000 nga 23,000 emigrantë rekord që kanë arritur në Mbretërinë e Bashkuar janë nga Shqipëria, edhe pse ajo është një aleate e NATO-s që aspiron të anëtarësohet në Bashkimin Evropian dhe nuk ka patur asnjë konflikt për më shumë se 25 vjet. E hëna kapi një rekord ditor prej 1,295 migrantësh që kaluan Kanalin e Doverit.
Një fushatë reklamuese do të nisë të enjten në Shqipëri nga Ministria e Brendshme dhe ajo britanike e Emigracionit për të paralajmëruar emigrantët në gjuhën e tyre se do të përballen me deri në katër vjet burg dhe deportim nëse hyjnë ilegalisht në Mbretërinë e Bashkuar.
“Abuzim me sistemin tonë të imigracionit”
Patel ka urdhëruar gjithashtu një rishikim të ligjeve kundër skllavërisë, të cilat janë përdorur nga shqiptarët për të shmangur dëbimin duke pretenduar se janë viktima të trafikimit. Të dhënat zyrtare tregojnë se shqiptarët tani janë kombësia më e lartë që pretendojnë se janë viktima të skllavërisë moderne, duke tejkaluar shtetasit e Mbretërisë së Bashkuar.
Sekretarja e Brendshëm tha: “Një numër i madh shqiptarësh po shesin gënjeshtra, nga kontrabandistët e pamëshirshëm të njerëzve dhe bandat e egra të krimit të organizuar, duke i shtyrë ata të bëjnë udhëtime me gomone për në MB. Ky abuzim i sistemit tonë të imigracionit dhe njerëzve që rrezikojnë jetën e tyre nuk mund të vazhdojë. Falë niveleve tona të shkëlqyera të bashkëpunimit me Shqipërinë, ne do të shfrytëzojmë çdo mundësi për të përshpejtuar largimet e shqiptarëve që nuk kanë të drejtë të jenë në MB.
Çuçi tha se Shqipëria i ka “dekurajuar” praktika të tilla të paligjshme dhe të rrezikshme nga emigrantët, duke shtuar se ai kishte diskutuar gjithashtu zgjidhjet “afatmesme” me zonjën Patel për rrugët e migrimit legal për profesionistët e kualifikuar dhe punëtorët e tjerë.
Zyrtarët e Ministrisë së Emigracionit thanë se emigrantët nga Shqipëria, një “vend i sigurt dhe i begatë”, po udhëtonin nëpër vende “të sigurta” për të arritur në Mbretërinë e Bashkuar, ku bënin kërkesa për azil.
Ata përbëjnë po ashtu më shumë se 1/4 (27%) të rekordeve prej 4,171 viktimave të mundshme të skllavërisë moderne të referuara në tremujorin e dytë të këtij viti.
Rishikimi i Aktit të Skllavërisë Moderne nga Miniatria e Emigrancionit, i prezantuar nga Theresa May në 2015, pritet të rrisë nivelin për ta bërë më të vështirë paraqitjen e një rasti të suksesshëm, për të kufizuar numrin e kërkesave dhe për të përshpejtuar procesin e dëbimit të pretenduesve të refuzuar.
Telegrafi zbuloi të mërkurën se si bandat shqiptare të kontrabandave me njerëz ofrojnë udhëtime falas me minibus nga Evropa Jugore në bregun verior të Francës për migrantët që kërkojnë të kalojnë Kanalin, si dhe çmime të “me zbritje” deri në 3500 £ për person.
Ata punojnë në ekonominë e zezë ose përfundojnë kriminelë, si për shembull korrin kanabis në fermat ilegale të drejtuara nga bandat shqiptare për të shlyer borxhet, thonë zyrtarët e emigracionit.
Megjithatë, Enver Solomon, CEO i Këshillit të Refugjatëve, tha se rreth 2/3 e shqiptarëve u zbuluan se kishin pretendime legjitime për azil dhe trafikim: “Ne e dimë drejtpërdrejt nga puna e gjerë me refugjatët shqiptarë se shumë prej tyre janë trafikuar dhe janë viktima të krimeve e shfrytëzimit seksual. Vetëm për shkak se një vend nuk është në luftë, nuk do të thotë se është i sigurt për të gjithë ata që jetojnë atje.
“Të paragjykosh një kërkesë azili bazuar në paragjykimet për vendin e origjinës së aplikantit është krejtësisht e gabuar dhe minim i procesit tonë të përcaktimit të azilit që kërkon të sigurojë të kundërtën, që kërkesat të vlerësohen në bazë të meritave të tyre individuale dhe informacionit të dhënë. Fakti që mbi gjysmën e shqiptarëve që kërkojnë azil këtu u jepet mbrojtje refugjati nga qeveria jonë dhe do të thotë shumë për rreziqet e qarta me të cilat përballen këta njerëz.”
Të mërkurën rreth 400 emigrantë kaluan Kanalin, gjë që do e çojë totalin e emigrantëve për muajin gusht afër rekordit mujor prej 6878 të nëntorit të kaluar.
Burimi: ‘THE TELEGRAPH’
