Një aksident tragjik ka ndodhur pasditen e kësaj së hëne në autostradën “Vlorë-Levan”, pranë fshatit Panaja.
Sipas informacioneve paraprake, një automjet është përmbysur pas një përplasjeje me barrierat mbrojtëse të segmentit rrugor.
Si pasojë e përplasjes, automjeti ka pësuar dëmtime të mëdha dhe një person ka humbur jetën, ndërsa një tjetër ka mbetur i plagosur.
Në vendin e ngjarjes kanë mbërritur menjëherë forcat e policisë, të cilët po punojnë për të zbardhur shkaqet e aksidentit dhe për të siguruar sigurinë në zonën e përfshirë. Policia po merr në pyetje dëshmitarët dhe po kontrollon kamerat e sigurisë për të kuptuar me saktësi dinamikën e ngjarjes.
Për momentin, identiteti i viktimës dhe i personit të plagosur nuk është bërë i ditur, ndërsa ndihma e shpejtë ka transportuar të plagosurin në spital për trajtim mjekësor.
