Një aksident rrugor ka ndodhur mëngjesin e sotëm rreth orës 08:00, në rrugën “Ramiz Aranitasi” në Fier, ku një 26-vjeçar është përplasur nga një automjet.
Sipas njoftimit të policisë, automjeti me drejtues shtetasin J. K., 38 vjeç, ka përplasur shtetasin B. L., 26 vjeç.
I riu është dërguar menjëherë në spitalin e Fierit, ku ndodhet nën kujdesin e mjekëve, por ende nuk është e qartë gjendja e tij shëndetësore.
“Rreth orës 08:00, në rrugën “Ramiz Aranitasi”, automjeti me drejtues shtetasin J. K., 38 vjeç, ka përplasur shtetasin B. L., 26 vjeç, i cili ndodhet në spital, në kujdesin e mjekëve”, njofton policia.
