Një 26-vjeçar është arrestuar nga policia, ndërsa e motra 17-vjeçare është vënë nën hetim, pasi u kapën duke vjedhur në një parukeri gjatë natës.
Policia bën të ditur se pas denoncimit të bërë nga pronarja e parukerisë në lagjen “Besëlidhja” Lezhë, është organizuar dhe finalizuar operacioni i koduar “Salon”, i cili çoi në identifikimin e dy autorëve të dyshuar.
Njoftimi i policisë:
Hynë me forcë në një parukeri dhe vodhën artikuj të ndryshëm, gjatës natës, identifikohen 2 shtetas.
Vihet në pranga 26-vjeçari, procedohet në gjendje të lirë motra e tij 17 vjeçe.
Sekuestrohen artikujt e vjedhur.
Specialistët për Hetimin e Krimeve të Komisariatit të Policisë Lezhë, si rezultat i veprimeve hetimore të kryera pas kallëzimit nga një shtetase, për vjedhje në parukerinë e saj, dje, në lagjen “Besëlidhja”, kanë organizuar dhe finalizuar operacionin policor të koduar “Salon”, si rezultat i të cilit u zbardh vjedhja dhe u identifikuan 2 autorët e dyshuar.
Në përfundim të veprimeve, u arrestua në flagrancë shtetasi R. S., 26 vjeç, banues në Lezhë dhe nisi procedimi në gjendje të lirë për bashkëpunëtoren, motrën e tij 17 vjeçe.
Materialet procedurale i kaluan Prokurorisë së Lezhës, për veprime të mëtejshme.
