Një shtetas shqiptar i ka shpëtuar burgut në Britaninë e Madhe edhe pse është kapur duke transportuar rreth 1 kilogram kanabis.
33-vjeçari Mond Karaj me banim në Denton Lane, Garsington ishte duke udhëtuar me makinë kur u arrestua në flagrancë me një qese kanabisi me peshë 985 gram, dhe që kap një vlerë për rreth 10,000 paund.
Ai tha se droga i përkiste një shoku të tij, i cili e kishte ngarë makinën atë mëngjes, por më vonë ndryshoi version duke pranuar se ai ishte korrieri i drogës.
Karaj tha se kishte pranuar për shkak të vështirësive ekonomike ta bënte këtë punë. Ai ka 5 vite në Britani dhe nuk ka marrë statusin e emigrantit, ndërsa u shpreh se jeton me paratë nga puna e bashkëshortes së tij.
Megjithatë gjyqtarja u tregua skeptike, ajo tha se Karaj me siguri ka qenë më shumë se transportues dhe e ka bërë më shumë se një herë atë punë, por shtoi se do t’i jepte atij një vendim të lehtë, siç ishte dënimi me 120 orë punë të detyrueshme.
