Ish-drejtoresha e SHISH, Vlora Hyseni, i është dorëzuar autoriteteve shqiptare në pikën kufitare të Morinës, pasi ndodhej në territorin e Kosovës.
Ndaj Hysenit, Gjykata e Posaçme ka caktuar masën e sigurisë “arrest në shtëpi”, në kuadër të një hetimi të SPAK për veprat penale “përkrahje të autorit të krimit” dhe “nxjerrje të sekretit hetimor”.
Masa e sigurisë nuk ishte ekzekutuar më herët pasi Hyseni ndodhej jashtë vendit. Në të njëjtën dosje është përfshirë edhe ish-drejtori i Policisë së Shtetit, Ilir Proda, ndërsa janë caktuar masa sigurie edhe ndaj personave të tjerë.
