Një personi me shtetësi shqiptare i është bërë atentat në lagjen ”Patisia” të Athinës, Greqi.
Sipas informacioneve të para, ngjarja ndodhi rreth orës 04:55 të mëngjesit, në kohën që shqiptari po dilte nga banesa e tij në rrugën ”Vrutu”.
Mësohet se atentatorët ishin dy persona dhe u larguan me një motoçikletë.
Emri i 55 vjeçarit shqiptar për momentin nuk bëhet publik.
Ai u dërgua në spital, ku ndodhet i plagosur dhe është jashtë rrezikut për jetën.
Hetimet janë marrë përsipër nga Drejtoria e Krimit të Organizuar të Drejtorisë së Policisë së Atikës.
