Pas rreth 8 orësh u bë i mundur izolimi dhe fikja e plotë të zjarrit në të dy fshatrat “Asim Zeneli” dhe Saraqinisht, kjo falë punës së zjarrfikësve të Bashkisë Gjirokastër.
Si pasojë e zjarrit u përfshi nga flakët një sipërfaqe e konsiderueshme me barishte dhe shkurre.
Terreni i vështirë dhe bimësia e dendur vështirësoi operacionin.
Dyshohet për zjarrvënie të qëllimshme, pasi zjarri ishte i shpërndarë në katër vatra të ndryshme.
Organet ligjzbatuese kanë nisur hetimet dhe po punojnë për zbardhjen e plotë të ngjarjes.
