Aplikacioni WhatsApp më në fund do t’i lejojë njerëzit të flasin me dikë që nuk mundën kurrë më parë: veten e tyre.
Në disa platforma, mesazhet për veten janë një mënyrë e dobishme për të ruajtur informacionin ose për ta transferuar atë midis pajisjeve. Disa aplikacione të tilla si Slack, inkurajojnë përdorimin e një bisede me veten si një mënyrë për të shënuar shënime.
Por të tjerët, përfshirë WhatsApp, nuk ka qenë e mundur. Megjithatë, me një përditësim të ri, përdoruesit mund të fillojnë një bisedë të re. Ata do ta shohin veten të listuar në krye të ekranit, së bashku me një mesazh që inkurajon të “dërgojnë mesazhe vetes”. Funksioni deri tani është i disponueshëm në versionin iOS 2.22.23.74 dhe versionin Android 2.22.23.77.
Mesazhimi i vetes mund të jetë një mënyrë e dobishme për të shënuar informacione pa lënë aplikacionin e bisedës. Mund të jetë gjithashtu një mënyrë e dobishme për të marrë informacione ose skedarë nga një pajisje në tjetrën. Nëse dikush i dërgon vetes një fotografi nga telefoni i tij ajo do të jetë e disponueshme në versionin ueb. Më parë, dërgimi i mesazheve ishte i mundur vetëm duke përdorur zgjidhje të ndërlikuara. Një ndër to ishte krijimi i një grupi dhe më pas dëbimi i njerëzve të tjerë që ishin në të.
