Është riaktivizuar sërish zjarri në Terihat të Dropullit pak pas mesditës së të enjtes.
Fillimisht është raportuar se flakët janë nën kontroll dhe nuk ka rrezik për përhapje, por më pas i favorizuar edhe nga era zjarri është përhapur me shpejtësi, shumë pranë banesave.
Forcat zjarrfikëse po punojnë për shuarjen e flakëve, ndërsa po hetohet nëse zjarri ka qenë i qëllimshëm.
Prej ditësh disa vatra zjarri kanë qenë aktive dhe pas ndërhyrjes të helikopterit zjarri ishte lokalizuar.
