Pamundësia ekonomike për ti siguruar bukë fëmijëve e bën burrin të qajë.
Në një situatë të tillë është familja e Elion Rezës në lagjen Drizë të Fierit.
Ata bëjnë thirrje për ndihmë për shtëpinë pa asnjë kusht për jetesë dhe një punë për të siguruar të ardhurat.
Lotët nuk i binden Elion Rezës kur flet për fëmijët e mitur të cilët po i rrit në skamje.
Brenda shtëpisë së ndërtuar 14 vjet më parë në lagjen “Drizë” të Fierit, lagështia dhe i ftohti e bëjnë pothuajse të pamundur jetesën.
Mariola, e zona e shtëpisë tregon frigroiferin bosh.
“Do fëmija të hajë frigoriferi bosh. Fëmija im nuk merr asgjë në shkollë të hajë”
Elioni ka kërkuar disa herë ndihmë në institucione por askush nuk i është përgjigjur deri më tani.
“Shpresa të kota”
Ai kërkon një punë, që të mund të sigurojë të ardhurat e familjes.
“Dua të më ndihmojnë të riparoj shtëpinë, ndihmë ekonomike dhe punë. Dua punë se po pate punë ushqen dhe familjen”
Familja 4 anëtarëshe në Fier apelon që të ndihmohet nga kushdo që ka mundësi në prag të festave por edhe dimri pritet të jetë i vështirë për ta.
