Një pullë e gjetur rastësisht në sendet e vjetra të shtëpisë, mjaftoi që te Fjorel Çomo të lindte një pasion i ri, ai i koleksionimit te pullave të postës shqiptare.
Nga momenti i gjetjes së pullës së parë që i përkiste vitit 1962 kanë kaluar 15 vite dhe Fjoreli ka në koleksionin e tij rreth 3 mijë e 500 të tilla.
Nga çfarë ka koleksionuar dhe studiuar thotë se imazhi që sundon pullat e shtetit shqiptar është ai i heroit kombëtar Gjergj Kastriot Skënderbeu.
Fjoreli shpreh keqardhjen se në Arkivën e Shtetit ka një mungesë të madhe të pullave. Po thotë se ato që mungojnë në institucione gjenden në albumet e koleksionistëve.
Koleksionin e tij, që e cilëson të çmuar, Fjoreli thotë se nuk ka menduar kurrë ta shesë edhe pse ne treg vlera e tyre është e konsiderueshme.
38 vjeçari nga Gjirokastra është anëtar i shoqatës së koleksionistëve dhe shpreson që të çel ekspozitën e tij personale me gjithë pullat që mbledhur e ruajtur përgjatë 15 viteve.
