Një përleshje e rëndë ka ndodhur mbrëmjen e sotme në ambientet e një lokali në qytetin e Vlorës, duke lënë të plagosur dy persona.
Sipas informacioneve paraprake, një vajzë ka pësuar çarje në fytyrë pasi është goditur me gotë, ndërsa një djalë ka marrë plagë në kokë, duke pësuar disa çarje.
Të dy të plagosurit janë transportuar me urgjencë në spitalin e Vlorës, ku po marrin trajtim mjekësor.
Policia ka mbërritur në vendin e ngjarjes dhe ka nisur hetimet për zbardhjen e rrethanave të konfliktit dhe për identifikimin e personave të përfshirë në këtë sherr të dhunshëm.
