Whatsapp po planifikon një sërë ndryshimesh të mëdha për vitin 2022 për dy miliardë përdoruesit e saj. Shumica e veçorive të reja janë ende duke u zhvilluar, por fatmirësisht programi testues i gjigantit të teknologjisë na ofron një vështrim të asaj që ju pret.
Disa prej ndryshimeve janë:
Përmirësime të mesazheve zanore të WhatsApp
Mesazhet zanore janë një nga veçoritë më të dobishme të WhatsApp, veçanërisht për ata persona që duan tի flasin gjithçka me miqtë dhe të afërmit e tyre. Por telefonatat dhe ndërprerjet e tjera mund të prishin lehtësisht një fjalim të gjatë, duke ju detyruar të rifilloni sërish bisedën nga fillimi.Duket se WhatsApp e ka marrë parasysh si problem dhe po punon në një mënyrë për ta rregulluar.Sipas testuesve beta, një mjet shumë i nevojshëm pauze dhe rifillimi është në rrugë e sipër. Do të ketë gjithashtu mundësinë për të parë paraprakisht regjistrimin tuaj përpara se të shtypni butonin e dërgimit.
Lëvizja e bisedave WhatsApp midis iOS dhe Android
Kalimi midis iOS dhe Android është një lodhje e madhe, por lëvizja e bisedave tuaja WhatsApp është problematike në një nivel krejtësisht të ri.Kompania me sa duket është shumë e vetëdijshme dhe më në fund po kërkon ta zgjidhë atë.
Reagimet në WhatsApp
Ka mundësi që Whatsapp të kopjojë Facebook messenger, pasi së shpejti do të keni mundësinë të bëni reagime në një mesazh. Sipas pamjeve të zbuluara, reagimet e disponueshme do të jenë gjithashtu të njëjta. Kjo përfshin një gisht lart, një zemër, një emoji të qeshur, një emoji të befasuar, një emoji të trishtuar dhe duart e lutjes falenderuese.
Siguria e përmirësuar e WhatsApp
Për këdo që përdor WhatsApp Web, kjo do të jetë veçanërisht e dobishme. Firma po punon në një mënyrë që përdoruesit të aktivizojnë ose çaktivizojnë verifikimin me dy hapa nga Uebi, në mënyrë që të mund të menaxhoni aksesin në WhatsApp.
