Komisariati i Policisë Sarandë ka arrestuar shtetasin A. Sh., 20 vjeç, banues në fshatin Çukë, pas dyshimeve për ushtrim dhune fizike ndaj dy anëtarëve të familjes së tij.
Sipas njoftimit zyrtar, i riu akuzohet se ka rrahur motrën e tij, 22 vjeçe, dhe vëllanë e mitur, duke shkaktuar shqetësim në familje dhe komunitet.
Ngjarja është denoncuar në Polici, e cila ka arrestuar 20-vjeçarin.
Aktualisht, materialet hetimore janë referuar Prokurorisë së Rrethit Gjyqësor Sarandë për veprime të mëtejshme ligjore.
