Një ngjarje e rëndë ka ndodhur këtë të enjte në Lushnjë. Një 55-vjeçar i cili ishte duke punuar tokën ka ndërruar jetë, pasi është zënë poshtë nga traktori që po drejtonte.
Ngjarja ka ndodhur mesditën e sotme në fshatin Dushk Sektor. Viktima është Agron Bani.
Policia bën me dije se traktori është përmbysur dhe e ka zënë poshtë atë. Grupi hetimor ka mbërritur në vendngjarje dhe po punon për zbardhjen e rrethanave.
Njoftimi i policisë
Në datë 27.04.2023, në fshatin Dushk Sektor, Lushnjë, shtetasi A. B., 55 vjeç, duke punuar tokën me mjet zetor, mjeti është përmbysur dhe e ka zënë poshtë shtetasin A. B., i cili për pasojë ka humbur jetën.
Grupi hetimor po punon për zbardhjen e rrethanave të ngjarjes.
