Pjesa e parë e datës në territorin Shqiptar do të jetë në dominimin e kthjellimeve, por në zonat e thella malore pritet të ketë edhe kalime të lehta e të përkohshme të vranësirave.
Ndërsa në pjesën e dytë të ditës parashikohet që vranësirat të shfaqen në një pjesë të mirë të territorit, por nuk do të mund të sjellin reshje në vendin tonë. Vija bregdetare në pothuajse gjithë ditën do të jetë në mbizotërimin e motit të kthjellët.
Sipas MeteoAlb, temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 17°C deri në 39°C.
Era do të fryjë e lehtë dhe mesatare me shpejtësi 35 km/h nga drejtimi Perëndimor – Veriperëndimor duke krijuar në brigjet detare dallgëzim mbi 2 ballë.
