Një shpërthim më lëndë plasëse ka ndodhur mbrëmjen e sotme (26 shkurt) në lagjen numër.4 të Durrësit.
Mësohet se tritoli i është vënë banesës së shtetasit Ilir Koçilja, i cili pak ditë më parë goditi me thikë për vdekje shtetasin, Halil Koka, me pretendimin se i zinte oborrin e pallatit duke parkuar makinën e tij.
Në polici, Kocilja është shprehur se nuk kishte pasur për qëllim të vriste fqinjin e tij dhe ka menduar se vetëm e ka plagosur.
Policia e Durrësit deklaroi pas ngjarjes se 35-vjeçari vuan nga probleme të shëndetit mendor, konkretisht nga skizofrenia.
