Zëvendësprokurori i Drejtorisë së Rrethit Antimafia të Xhenovës, Federico Manotti, ka kërkuar gjykimin e menjëhershëm të 7 të dyshuarve si trafikantë ndërkombëtarë të drogës me kombësi amerikano-jugore dhe shqiptare.
Ata akuzohen se rrëmbyen një person në një tentativë të dështuar për të trafikojnë 100 kilogramë kokαinë nga Amerika e Jugut në Liguria të Italisë.
Gjyqi, që do të nisë më 26 shkurt, përfshin persona të moshës 26 deri në 42 vjeç. Dy të dyshuarit e tjerë janë hequr nga akuzat: Ardian Sufaj, 39 vjeç, me origjinë shqiptare, i konsideruar nga hetuesit si kreu i organizatës dhe i arrestuar në Shqipëri me bashkëpunimin e forcave të rendit dhe aktualisht i burgosur në një burg në Shqipëri dhe një tjetër burrë ende në arrati në Republikën Domenikane, shkruan Ansa.
Organizata ishte mbështetur në një punonjës porti xhenovez, i cili në fakt ishte një financier i fshehtë.
Droga ishte sekuestruar gjatë një kontrolli në Panama dhe kishte futur në panik grupin, i cili kishte rrëmbyer edhe një person, ndërmjetësuesin midis punonjësit të portit dhe bandës, në përpjekje për të kuptuar se ku kishte përfunduar ngarkesa që tentuan të trafikojnë.
