Një atentat me armë zjarri është regjistruar ndaj një 40-vjeçari shqiptar në Acerra në komunën e Campanias, Itali.
Mediat itaiane raportojnë se ngjarja u regjistrua gjatë natës së kaluar, teksa shqiptari ka qenë duke udhëtuar me biçiklete.
Persona ende të paidentifikuar e kanë qëlluar atë më armë zjarri dhe më pas janë larguar.
Ndërkohë 40-vjeçari shqiptari është transportuar në spital dhe mjekët kanë siguruar se ai nuk ka rrezik për jetën.
Mediat në Itali thonë se shqiptari është i njohur për autoritetet, pasi më parë ka qenë i arrestuar si pjesë e një bande grabitësish.
Karabinierët po punojnë për rindërtimin e episodit, duke nisur nga vendi i plagosjes.
I plagosuri nuk ka dhënë shumë detaje për vendin ekzakt ku ka ndodhur ngjarja , por thjesht ka deklaruar se ka qenë me biçikletë kur është qëlluar.
