Horoskopi, 28 gusht

Horoskopi sot.

Dashi

Ka mundësi që dot të jeni paksa të ndjeshëm dhe në disa momente mund të trishtoheni. Mundohuni të mos mendoni gjënë e fundit të parën. Ju të dashuruarit do merreni vesh më së miri me partnerin tuaj dhe mund të ndiheni gati edhe për të marrë vendime të rëndësishme. Nuk do mungojnë çastet romantike gjithë kohës. Ju beqarët do ndiheni mirë ashtu si jeni dhe nuk do hidhni asnjë hap për të bërë ndryshime. Në punë do jeni shumë kompetentë dhe talentin që keni do dini ta vini sa më mirë në shërbim të qëllimeve që keni. Periudhën e tranzicionit do e lini pas krahëve. Sektori i financave nuk do jetë shumë i kënaqshëm kështu që më mirë mos e teproni me shpenzimet.

Demi

Gjatë kësaj dite nuk është se do keni mosmarrëveshje dhe probleme me të tjerët. Por gjendja juaj emocionale do lërë për të dëshiruar. Për ju të dashuruarit do jetë një ditë rutinë. Nuk ka për të ndodhur asgjë e jashtëzakonshme mes jush dhe partnerit. Ju beqarët nga ana tjetër do jeni më shprehës dhe ka gjasa të bëjnë për vete disa persona. Për ju mund të ndryshojnë shumë gjera. Në punë prezenca e Saturnit mund të sjellë disa turbullira. Do ndiheni shpesh të pafuqishëm për të tejkaluar pengesat që do ju dalin dhe do dorëzoheni lehtësisht. Situata financiare ka mundësi të përmirësohet ndjeshëm falë perkujdesit të treguar së fundmi, por edhe përfitimeve nga një punë e kryer me sukses.

Binjakët

Do bëni më shumë përpjekje për t’u përqendruar gjatë kësaj dite do ja arrini qëllimet. Nëse keni një lidhje e sotmja do jetë një ndër ditët më të bukura të muajit. Venusi dhe Neptuni do iu bëjë edhe më romantikë. Mes jush dhe atij që keni në krah nuk do ndodhin aspak mosmarrëveshje. Në mbrëmje lumturia do jetë e sigurt. Nëse jeni beqarë do keni mundësi vërtet të mira për takime interesante. Përfitoni sa më shumë të mundni. Në punë më mirë dëgjojini këshillat që do iu japin ekspertët dhe mos bëni sikur jeni të pagabueshëm. Kujdes nga Jupiteri në planin financiar. Mos ndërmerrni shumë rreziqe sepse do përballeni me një situate të vështirë.

Gaforrja

Gjatë kësaj dite nuk do e keni shumë të lehtë të përshtateni dhe shpesh do jeni në ankth e në stres të madh. Ju të dashuruarit nga njëra anë do kërkoni qëndrueshmëri dhe nga ana tjetër do kërkoni të provoni gjëra të reja në çift. Rutina do iu vijë ne maje te hundës. Flisni me partnerin dhe se bashku do gjeni rrugën e duhur. Ju beqarët do e keni të vështirë të zgjedhin midis një aventure pasiononte dhe një marrëdhënieje të qëndrueshme. Reflektoni mirë para se të thoni fjalën e fundit. Në punë do ju duket sikur do luftoni me mullinjtë e erës dhe nuk do e keni të lehtë ta gjeni zgjidhjen. Në planin financiar do jeni më ambiciozë dhe do mundoheni me tepër për ta përmirësuar buxhetin. Planetët do jenë në anën tuaj.

Luani

Sot do bëni gjithçka, madje edhe mund të sakrifikoni vetëm për të mos pasur më telashet e ditëve të fundit. Tre planetë mjaft energjike do ndikojnë tek jeta juaj në çift. Ata do ua bëjnë atë më të animuar dhe do e dëgjoni shumë njëri-tjetrin. Do keni mundësi të flisni edhe për tema të ndjeshme. Ju beqarët pas kaq kohësh mund të gjeni dikë për të cilin do iu rrahë zemra fort. Në punë duhet patjetër të tregoheni më të përgjegjshëm dhe të jepni më shumë nga vetja. Pranojini edhe kritikat dhe vërini disa në zbatim. Për të përmirësuar financat mos u mbështesni shumë tek miqtë sepse ata nuk do iu ndihmojnë. Tregohuni pak më vigjilentë dhe besojini vetes.

Virgjëresha

Venusi dhe Marsi do ju nxitin t’iu përkushtoheni më shumë gjërave që doni të bëni dhe nuk do mërziteni as përballë sfidave. Mund të filloni edhe projekte të reja. Ju të dashuruarit do i jepni prioritet absolut jetës tuaj sentimentale dhe do bëni të pamundurën që ta përmirësoni marrëdhënien me partnerin. Ju beqarët do jeni gati të filloni edhe aventura kalimtare, vetëm që të mos mbeteni më të vetmuar. Rëndësi ka që do ndiheni mirë. Në punë do jeni pafundësisht ambiciozë dhe të motivuar. Asgjë nuk do ju duket e pamundur dhe do luftoni fort për të bërë më të mirën e mundshme. Sektori i financave do jetë goxha i favorizuar. Mund të kryeni pa frikë edhe disa shpenzime më tepër se zakonisht

Peshorja

Për t’u qetësuar vetë sot duhet të vini disa pika mbi “i” dhe të merrni vendime. Sado të vështira të jenë, më mirë tani sesa më vonë. Influenca e disa planetëve do jetë kontradiktore për jetën tuaj në çift. Situata në disa momente mund të bëhet mjaft delikate. Këshilla për ju është të mos i besoni askujt dhe ta mbroni lidhjen tuaj nga sulmet e jashtme. Nëse jeni beqarët do jeni mjaft sharmante dhe joshës. Për pasojë mundësitë për takime do jenë të mira. Në punë ambienti nuk do jetë i ngrohtë dhe do e keni më të vështirë për t’i kaluar të gjitha pengesat që ju kishin dalë. Në planin financiar do iu plotësohen kapricot. Hëna do iu bëjë më pak impulsive dhe më të kujdesshëm.

Akrepi

Nuk do jeni shumë të organizuar gjatë kësaj dite dhe mund të bëni gabime të njëpasnjëshëm që do kenë pasoja. Për ju që keni një lidhje do ketë probleme serioze. Do i thoni njëri-tjetrit gjëra të pamenduara mirë dhe ka rrezik që ky të jetë edhe fundi për marrëdhënien tuaj. Ju beqarët do jeni joshës pafund dhe do arrini ta bëjnë për vete cilindo që do pëlqejnë. Në punë do arrini të flisni me shefat për një detyrë të re që iu është dhënë, por sërish nuk do jeni plotësisht të qartë. Dëgjojini me kujdes edhe disa kolegë me më shumë përvojë se ju. Buxheti do mbetet shumë i mirë pasi në këtë sektor do jeni të logjikshëm dhe largpamës. Vazhdoni kështu dhe keni për t’u pasuruar shpejt.

Shigjetari

Gjatë kësaj dite nuk do ketë më asnjë lloj përpalljeje dhe gjërat do ju ecin më së miri. Harmonia dhe emocionet pozitive do jenë mbizotëruese. Ashtu si ishte parashikuar, jeta juaj në çift ka për të qenë e jashtëzakonshme. Do përjetoni kënaqësi të paimagjinueshme dhe nuk do doni që dita të ketë fund. Ju beqarët do merrni propozime të njëpasnjëshme dhe do vendosni edhe të filloni një lidhje. Në punë do jeni shumë kokëfortë dhe do doni të përfundoni patjetër gjërat që keni nisur. Kjo nuk është gjë e keqe, por nuk duhet të shkëlqeni mbi të tjerët. Në planin financiar nuk keni për të pasur asnjë lloj problemi sepse i keni bërë me kujdes llogarite kohët e fundit.

Bricjapi

Do jeni shumë të matur gjatë kësaj dite dhe do i dëgjoni me kujdes këshillat që do iu japin të afërmit. Qetësia do ju karakterizojë gjithë kohës. Për ju që keni një lidhje ka për të qenë një ditë spektakolare. Do përjetoni emocione dhe kënaqësi të forta pasi partneri do ju mbajë në pëllëmbe të dorës. Mund t’iu vini kapak njëherë e mirë edhe problemeve të vjetra. Ju beqarët do jeni ende në periudhë reflektimi dhe nuk do ndiheni ende gati për të hedhur hapa. Në punë do jeni shumë më të arsyeshëm nga më parë dhe nuk do ju dalin aspak probleme. Reflektimi do mbizotërojë përherë dhe të gjithë do ju vlerësojnë. Financat do dini si t’i menaxhoni dhe situata do vazhdojë të mbetet e mirë gjatë gjithë kohës.

Ujori

Nëse ua vini veshin sinjaleve që do iu japë Saturni gjatë kësaj dite dhe bëni lëshime gjërat do ju ecin mirë. Maturia dhe durimi kanë për të qenë akoma më të vlerësuara. Nëse keni një lidhje merrni masa sa më shpejt që ta përmirësoni jetën tuaj në çift sot sepse po i latë gjërat pas dore situata mund të dalë jashtë kontrollit. Ju beqarët do ndesheni papritur me disa persona interesantë të cilët mund t’ua ndryshojnë jetën përgjithmonë. Në punë do avanconi me ritme të shpejta dhe do ua kaloni të gjithëve. Do i afroheni tej mase postit që keni ëndërruar përherë. Një pjesë e kolegëve do gëzohen e një pjesë e ziliqarëve do trishtohen. Gjendja financiare do jetë goxha e mirë. Përfitoni nga rasti për të bërë investime dhe për të kryer transaksione.

Peshqit

Çdo gjë do ndodhë shumë shpejt sot në jetën tuaj dhe duhet të tregoheni sa më gjakftohtë. Nëse keni një lidhje marrëdhënia juaj do influencohet shumë pozitivisht nga yjet. Në çdo moment do ndiheni mirë pranë partnerit dhe do merreni vesh me të për gjithçka. Nëse jeni beqarë do keni një ditë të paqëndrueshme dhe nuk do arrini dot të fiksoheni pas dikujt. Në punë do keni mundësi të jashtëzakonshme për të arritur majat. Aftësitë tuaja do jenë të jashtëzakonshme dhe kureshtja do ju bëjë të provoni gjëra të mëdha. Mund të lodheni pak, por do ja dilni mbanë. Në planin financiar nuk do keni probleme serioze kështu që nuk duhet të shqetësoheni aspak.