Kryebashkiaku i Libohovës, Leonard Hide, ka folur pas daljes nga GJKKO-ja, ku po gjykohet për shpërdorim detyre.
Hide tha për mediat se nuk ka qenë në dijeni të hetimit ndaj tij në momentin që kandidoi për kryebashkiak.
Ai u shpreh i gatshëm të japë dorëheqjen nga posti që mban për t’u përballur me drejtësinë.
“Kur kandidova për kryetar bashkie nuk isha në dijeni të hetimit. Nëse është e nevojshme do largohem si kryetar bashkie për t’u përballur me drejtësinë”, deklaroi kryebashkiaku Hide.
