Aksident në seri në Fier.
Ngjarja ka ndodhur mbrëmjen e kësaj të enjteje në aksin hyrës të qytetit pranë Drejtorisë Rajonale të Shërbimeve të Transportit Rrugor.
3 automjete janë përplasur me njëri- tjetrin ndërsa mësohet se nuk ka të lënduar por vetëm dëme të konsiderueshme materiale.
Në aksident janë përfshirë një furgon, një BMW dhe një Passat, ndërsa pranë vendit të ngjarjes kane shkuar specialistë të policisë rrugore.
Ende nuk dihet shkaku që mund të ketë çuar në përplasjen e tre automjeteve, ndërsa paraprakisht dyshohet që shpejtësia tej normave të lejuara ka qenë një ndër faktorët e përfshirjes në aksident të tre automjeteve.
