Një 32-vjeçar i identifikuar si Skerdiljan Spahi është arrestuar në kuadër të operacionit policor të koduar “Aksi”.
Ky person u kap në aksin “Bilisht -Korçë”, duke transportuar me automjetin e tij 4 qese me kanabis, 3 kilogramë.
Lëndën narkotike, 32-vjeçari e kishte fshehur në pjesën e motorrit të automjetit.
Njoftimi i policisë:
Në kuadër të operacionit të koduar “Aksi” u bë i mundur arrestimi i shtetasit S.S., i cili u ndalua nga shërbimet e policisë në aksin “Bilisht -Korçë”.
Gjatë kontrollit, në pjesën e motorrit të automjetit të S.S. u gjetën të fshehura 4 qese me 3 kilogramë kanabis sativa.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
