Lulëzim Kakija, Kristjan Kakia dhe Artan Kakija janë arrestuar nga policia e Shkodrës pas sherrit të ndodhur mbrëmjen e djeshme u plagos me armë zjarri Çel Shabaj, 43 vjeç.
Po ashtu, në kërkim u shpallën Z.K., 28 vjeç, F. L., 25 vjeç dhe A. Rr.,25 vjeç.
Ngjarja ndodhi mbrëmjen e 13 gushtit rreth orës 20:40, një njësinë Postribë në Shkodër. I plagosuri u dërgua menjëherë në spitalin rajonal të Shkodrës me një autoambulancë të shërbimit kombëtar të urgjencës dhe pas dhënies së ndihmës së shpejte nga mjekët rezulton jashtë rrezikut për jetën.
Ndërkohë policia menjëherë pas plagosjes arrestoi autorin e dyshuar të plagosjes, shtetasin Kristjan Kakija dhe efektivët sekuestruan edhe armën me të cilën dyshohet se u krye ky krim. Bashkë me autorin, të shoqëruar janë edhe dy persona të tjerë që ndodheshin në automjet me Kristjan Kakinë.
Çel Shabaj po dilte nga banesa e tij në Postribë dhe në atë moment ka qenë duke ardhur nga Prekali në drejtim të Postribës. Në atë moment ka nisur një debat mes tyre se kush duhej të kalonte. Sipas burimeve shtetasi Kristjan Kakija pasi është larguar vetëm disa metra, është kthyer edhe njëherë dhe ka nxjerrë armën duke plagosur 43 vjeçarin.
Në atë moment kanë ndërhyrë pjestarë të tjerë të fisit Shabaj që ndodheshin shumë afër pasi edhe ata po bëheshin gati për të shkuar në dasmë duke u përfshirë në një përleshje fizike mes tyre. Një kushëri i të plagosurit ka arritur që në ato momente t’ia heq armën nga dora autorit të dyshuar i cili më pas është larguar nga vendi i ngjarjes. Pak minuta nga plagosja policia përmes forcave “Shqiponja” arriti që të arrestojë shtetasin Kristjan Kakija duke sekuestruar edhe armën e dyshuar, tip pistoletë me të cilën mund të ketë kryer plagosjen. Policia dhe prokuroria e Shkodrës vijojnë hetimet për zbardhjen e plotë të kësaj plagosje të ndodhur në Postribë mbrëmjen e 13 gushtit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Vrasja me dashje”, mbetur në tentativë, kryer në bashkepunim dhe “Mbajtja pa leje dhe prodhimi i armëve, armëve shpërthyese dhe i municionit”.
