Policia e Korfuzit ka goditur një grup që trafikonte drogë nga Shqipëria drejt ishullit grek dhe më pas e shpërndante atë, duke arrestuar 8 persona mes të cilëve dy prej drejtuesve të grupit.
Është identifikuar dhe shpallur në kërkim drejtuesi kryesor i grupit, i cili ndodhet jashtë Greqisë si dhe një bashkëpunëtor i tij, që ndodhet në burg në Greqi. Janë identifikuar dhe proceduar 20 persona, të cilët kanë blerë lëndë narkotike nga ky grup kriminal.
Ky grup ka filluar te funksionojë prej muajit korrik 2021. Këtij grupi në 2 korrik 2021 i janë sekuestruar 3.6 kg marijuanë, në 1 qershor 2022 i janë sekuestruar 2.8 kg marijuanë, në 29 qershor 2022 i janë sekuestruar 4.7 kg marijuanë, në 1 shtator 2022 i janë sekuestruar 4.4 kg marijuanë dhe në 27 tetor i janë sekuestruar 3.4 kg marijuanë.
Kreu i grupit është një shtetas shqiptar 34-vjec me banim të përhershëm jashtë Greqisë, i cili furnizonte grupin me drogë.
Nëndrejtuesit e grupit janënjë grek 54 vjëc dhe një grek 77 vjec, të cilët u arrestuan dje. Drejtuesi i grupit ishtë përgjegjës për trafikun e drogës nga Shqipëria në Korfuz si dhe udhëzontë dy grekët për shpërndarjen e drogës.
Në nivelin e dytë të grupit janë 7 persona, 3 grekë, dy meshkuj 50 dhe 63 vjec dhe një femër 30 vjec si dhe 4 shqiptarë 34, 47, 68 dhe 35 vjec. Ky i fundit ndodhet në burg në Greqi i arrestuar më 31 gusht 2022.
Niveli i tretë përfshin njerëz të varur nga substanca në ishullin e Korfuzit.
Gjatë kontrolleve ditën e djeshme janë gjetur dhe sekuestruar 567 gram marijuanë, 2 peshore elektronike, 3970 euro, 1 motorr, 1 makinë, 6 celularë.
Sasia totale e marijuanës së trafikuar, nga aktiviteti i grupit në periudhën në shqyrtim, nga korriku 2021 deri në asgjësimin e tij, arrin në të paktën -30- kilogramë, nga të cilat -19- kilogramë janë konfiskuar ndërsa përfitimi financiar total llogaritet të kalojë -180.000- euro.
