52-vjeçari nga Saranda, Thanas Bako, i arrestuar pas një operacioni të Europolit, policisë greke dhe asaj holandeze kundër pastrimit të parave të ardhur nga trafiku i drogës, nuk i ka pranuar akuzat e ngritura.
Avokatja e tij Eleni Kriketou në një deklaratë për mediat është shprehur: “Bëhet fjalë për ekzekutimin e një urdhri europian arresti nga një vend anëtar i BE.
Ai mohon çdo përfshirje dhe akuzë. Po e ngaterroni. Jemi në bashkëpunim të vazhdueshëm për të vërtetuar pafajësinë e tij”.
52-vjeçari Bako akuzohet se për 10 muaj ka qarkulluar 250 milionë euro të grupeve kriminale të trafikut të kokainës në Belgjikë dhe Holandë.
Arrestimi i tij erdhi pas zbulimit nga policia holandeze të bisedave të trafikantëve në aplikacione të enkriptuara.
