Kryetari i Partise Socialiste Gjirokaster, Gentian Llogo, permes nje postimi ne fb ka reaguar per maskarallekun e shperndare si lajm nga shpifesit e perhershem, ku akuzohet per infektim me SIDA kryebashkiaku dhe dhjetera punonjes se Bashkise Gjirokaster.
Llogo i ka cilesuar si mercenare te rendomte gatuesit e shpifjes ne fjale. ”Mercenarët ? Janë profesionistë. Ndryshojnë bindje siç ndryshojnë xhaketat e fustanet sipas stinës politike. Sot betohen për parime, nesër i shesin me ulje sezonale. Moral fleksibël, çmim i negociueshëm.”, – ka cilesuar LLogo ne reagimin e tij.
Ja reagimi i plote i Llogos:
“Elitat” e shpifjes
Shpifësit sot nuk lodhen më të kërkojnë të vërtetën. Mjafton një thashethem i paketuar bukur dhe e shesin si “informacion ekskluziv”. Sa më i madh mashtrimi, aq më shumë duartrokitje dhe ulërima.
Mercenarët ? Janë profesionistë. Ndryshojnë bindje siç ndryshojnë xhaketat e fustanet sipas stinës politike. Sot betohen për parime, nesër i shesin me ulje sezonale. Moral fleksibël, çmim i negociueshëm.
Dhe mosmirënjohësit… ata janë artistë të harresës. Harrojnë gjithçka, sidomos kur u leverdis. I ushqen, të harrojnë. I ngre, të mohojnë. Pastaj flasin për “merita personale” me një seriozitet që do bënte edhe ironinë të skuqej.
Por mos u shqetësoni! Kjo “elitë” ka një talent të rrallë. E ndërton famën mbi gënjeshtra dhe më pas çuditet kur gjithçka u shembet mbi kokë. Në fund, edhe iluzionet lodhen duke i mbajtur në këmbë.
Ndërkohë, një kujtesë e vogël për ju zotërinj e zonja “elitarë”, autorë e klithës përkrahës të “thrillerave” online;
HIV-i në këtë rast nuk është subjekt batute dhe as mjet për propagandë, por një përpjekje për te bërë pis Gjirokastrën, për panik, për të hedhur baltë mbi Kryetarin e Bashkisë dhe për të mbledhur vëmendje me cdo kusht.
Shihemi në maj 2027!
