Një aksident me pasojë dy të lënduar është shënuar pasditen e së premtes në aksin rrugor Korçë -Pogradec, në afërsi të kryqëzimit të fshatit Zvirinë.
Në aksident janë përfshirë dy mjete, një fugon mallrash e një mjet tip “Opel”.
Nga përplasja e fortë mjeti “Opel” ka dalë nga rruga duke u përmbysur jashtë saj.
Sipas informacioneve paraprake bëhet me dije se të lënduar janë dy persona, te cilët janë dërguar për ndihmë mjekësore në spitalin e Korçës dhe ndodhen jashtë rrezikut për jetën.
Policia po heton për shkakun e këtij aksidenti.
