Një ndërprerje globale e Microsoft vazhdon të prekë dhjetëra mijëra përdorues.
Microsoft ka punuar për të rregulluar një ndërprerje globale me disa nga shërbimet e saj, duke përfshirë Teams, Outlook dhe softuerin e saj të inteligjencës artificiale Copilot, të cilat po përjetojnë “probleme lidhjeje”.
Gjatë ditës së enjte pati një rritje të raportimeve për probleme me shërbimet e Microsoft në faqen e monitorimit të Doëndetector. Rreth orës 18:00 gati 140,000 njerëz kishin raportuar probleme me Outlook, më shumë se 2,000 herë më shumë se niveli normal.
Microsoft thotë se shkaku ishte “ngarkesa e lartë” në infrastrukturën e tij, që do të thotë se serverët kishin ngarkesë më të lartë se normalja. Në këtë rast, disa serverë u bënë papritur të padisponueshëm, duke mbingarkuar të tjerët.
Meqenëse infrastruktura e Microsoft përdoret nga kompani të tjera teknologjike, po shihen edhe efekte anësore te kompani si OpenAI dhe Anthropic që raportojnë probleme me mjetet e tyre.
Konglomerati i teknologjisë fillimisht tha se po shihte rezultate pozitive në përpjekjet e tij për të rinisur shërbimet. Por, disa orë më vonë, tha në një përditësim të mëvonshëm se rregullimet nuk po funksiononin siç pritej dhe se ende po rregullonte probleme në fronte të shumta.
Drejtori ekzekutiv i Microsoft, Charles Lamanna, tha se ky nuk është një incident i sigurisë kibernetike. Një ekspert i tha BBC-së më parë se ndërprerja dukej si paaftësi e jashtëzakonshme.
Nga sistemet qeveritare në Singapor dhe Japoni , te agjencitë australiane të spiunazhit dhe komunikimet e Gjykatës Supreme të Filipineve, efektet e ndërprerjes po ndihen në të paktën 74 vende në të gjithë botën.
